Guri buruz

2005etik kalitatezko zerbitzuak eraikitzen

Hosting, cloud eta domeinu zerbitzuak eskaintzen dituen hornitzailea gara. Gauza bera egiten duten milaka enpresa daude munduan eta horietako askok zerbitzu ona eskaintzen dute, baina inor ez da gu bezalakoa.

Guebs-en 15 urte baino gehiago daramatzagu gauzak ondo egiten, gure zerbitzuak etengabe hobetzen eta gure bezeroei benetako laguntza ematen, arazo errazenak zein egoera konplexuenak konpontzen lagunduz. Gainera, beste inork ez bezala, gure bezero-arreta euskaraz eskaintzen dugu.

Egunero zeregin ezberdin mordoa aurrera eramaten badugu ere, berez gauza bakarra egiten dugu: zure proiektuek arrakasta izan dezaten behar duzun laguntza ematea.

Gure printzipioak

Gure helburua zure proiektuak arrakasta izatea da

Hala badirudi ere, ez da eslogan hutsa. Gure bezeroen proiektuek ondo funtzionatzen badute eta arrakasta badute, guri ere ondo joango zaigu.

Ez gara beste hornitzaile soil bat, zure bazkidea gara. Gu hosting-ean adituak gara eta zu zure negozioan aditua zara, elkarrekin lan egin dezagun bion arrakasta bermatzeko.

Bezero-arreta gure negozioaren bihotza da

Kalitatezko bezero-arreta jasotzea merezi duzula uste dugu, zure arazoak bizkor eta modu eragikorrean konpontzeko gai dena. Argi dugulako eta ahalegin guztiak egiten ditugulako, bezero-arreta zerbitzu bikaina eskaintzen dugu.

Izan ere, gure bezeroen ehunka testigantzek nabarmen uzten dute gure bezero-arreta zerbitzuaren hurbiltasuna eta eraginkortasuna.

Etengabeko hobekuntzak eta berrikuntza

Hornitzaile txikia gara, baina lanean daramatzagun 15 urteetan atsedenik gabe hobetu eta berritzeko gai garela erakutsi dugu. Etengabe eguneratzen eta modernizatzen ditugu gure zerbitzu guztiak. Horretan jarraituko dugu.

Zintzotasuna eta konfiantza

Hornitzaile serioa gara, ez dugu gezurrik esaten ezta aitzakiarik jartzen ere. Horixe da guztiontzat onena, nahiz eta batzuetan zintzotasun hori guztiz atsegina ez izan.

Baina zintzotasuna eskaintzeaz gain, fidagarriak ere bagara. Egoera txarrenetan ere egin beharrekoa egiten dugu, edozein arazo denbora laburrenean konpontzeko.

Gure planeta babesten kolaboratzen dugu

Zerbitzu ona eskaintzeaz gain, ingurumena babesten ere laguntzen dugu: kontsumitzen dugun ia energia guztia jatorri berriztagarrikoa da, kontserbazio proiektuak bultzatzen ditugu eta bulego jasangarria izateko neurriak hartzen ditugu.

Ahal dugun heinean solidarioak izan behar dugu

Horregatik, babes-laguntzak edota beherapenak eskaintzen dizkiegu beharrean dauden pertsonen bizitza hobetzeko zuzenean lan egiten duten ongintzako erakunde txikiei. Horrez gain, startup digitalentzako programa bat jarri dugu abian, urtebetez doako ostatua eskaintzen diegularik. Interesaturik bazaude, jarri gurekin harremanetan .

Entzuten zaitugu

Ohikoa da bezeroek funtzionalitate eta zerbitzu berriak eskatzea eta, normalean, arrazoizko eskaerak izaten dira. Horregatik, eskatutakoa inplementatzea erraza denean, askotan, ordu edo egun gutxitan gure bezero guztiei funtzionaltasun hori eskaintzen diegu.

Azpiegitura

Milaka rack armairu dituzten eraikinak, hozte-sistema izugarriak, hornidura elektrikoko sistema erredundatuak, suteen aurkako mekanismo aurreratuak eta milaka zerbitzari fisikoren zarata izugarria dira gure zerbitzuen oinarria.

Beste alderdi garrantzitsu asko daude, baina kalitatezko azpiegitura fisikoa izatea funtsezkoa da hosting zerbitzu ona eskaintzeko eta, horregatik, hornitzaile onenak soilik erabiltzen ditugu.

Kalitatezko azpiegitura garatu eta mantentzea ez la lan makala, egin beharreko ahalegina izugarria da. Aldi berean, Microsoft, Google eta Amazo interneteko azpiegitura eta cloud merkatuan sartu zirenetik kalitatezko azpiegitura hori pertsona eta erakunde guztion esku jarri dute, gainerantzeko azpiegitura hornitzaile tradizionalek baino askoz zerbitzu hobea eskainiz.

Bestalde, gure bezeroei ez zaie interesatzen beraien webguneak zein hardware motatan edo zein plataforman ostatatuak dauden; benetako garrantzia duena web guneak azkar eta etengabe funtzionatzea da. Eta hori lortzeko, gure zerbitzuak eskaintzeko erabiltzen dugun softwarea eta haren konfigurazioa erabiltzen dugun azpiegitura fisikoa bezain garrantzitsua da.

Aipatutako arrazoiengatik, 2014tik aurrera pixkanaka gure azpiegitura propioaren tamaina murrizten eta AWS bezalako hornitzaileetara zerbitzuak migratzen hasi ginen. Gaur egun, jada, ez dugu gure hardware propiorik eta IaaS hornitzaile onenek eskaintzen diguten azpiegitura soilik erabiltzen dugu. Honek malgutasun izugarria ematen digu eta gure zerbitzua eskaintzaren alderdi garrantzitsuenak arinago hobetzeko aukera ematen digu.

Benetan garrantzitsua dena etengabe hobetzen dihardugu. Horregatik gure hosting zerbitzuak gero eta hobeak, azkarragoak eta funtzionalagoak izateaz gain, prezio/kalitate erlazio ezin hobea eskaintzen dute.

Gure zerbitzuez gozatzeko garaia daHemen hasi
Gurekin hitz egin!
Oraintxe bertan ez dago txat zerbitzurik.
Mesedez, mezu bat bidali iezaguzu .